Presidenti i Shqipërisë, Ilir Meta ka reaguar në lidhje me vendimin e partive shqiptare të Luginës së Preshevës për të dalë me një listë të përbashkët për zgjedhjet parlamentare të Serbisë, që do mbahen më 21 qershor.
Përmes një postimi në ‘Facebook’, Meta përshëndet këtë vendim dhe shprehet se pjesëmarrja masive e shqiptarëve në këto zgjedhje tregon një frymë të madhe bashkëpunimi.
“Përshëndes ngrohtësisht dorëzimin e listës së përbashkët të partive politike shqiptare të Luginës së Preshevës për zgjedhjet parlamentare të 21 qershorit.
Shpreh bindjen se pjesëmarrja sa më masive e shqiptarëve në zgjedhje, bashkëpunimi i të gjitha subjekteve politike për rritjen e përfaqësimit të shqiptarëve, si dhe bashkëpunimi i tyre i ngushtë me faktorin ndërkombëtar do të garantojnë forcimin e zërit të popullsisë shqiptare, në funksion të plotësimit të kërkesave dhe të drejtave të tyre legjitime në Serbi.”-shkruan Meta.k.t/Fjala.al/
