Sot është mbajtur seanca e parë gjyqësore për ish-kryebashkiakun e Vorës Agim Kajmakut në Dhomën Penale të Gjykatës së Tiranës.
Trupa gjykuese është njohur sot me provat e dorëzuara nga Prokuroria dhe avokatët e ish-zyrtarit.
Mësohet se Agim Kajmaku, përmes avokatit të tij ka kërkuar përjashtimin e gjykatëses së kësaj çështjeje Shefkie Demiraj. Sipas kërkesës që ju dorëzua sot gjykatës përjashtimi i gjyqtares kërkohet, për shkak se gjyqtarja është në proces vettingu, ku po verifikohet nga motra e ministres së Energjisë dhe Infrastrukturës, Belinda Balluku. Sipas avokatit ky fakt mund të ndikojë në anshmërinë e procesit.
Gjykata pasi u njoh me aktet e palëve, i ka pranuar ato dhe vendosi që seanca e radhës të zhvillohet më 18 qershor në orën 10:00, ku do të merret edhe vendimi për kërkesat që iu depozituan gjykatës./En.Br./Fjala.al
