Një Milan me ndikim të fortë ballkanas do të jetë ai në sezonin e ardhshëm, pak rëndësi ka nëse do të jetë apo jo Ralf Rangnick në stol. Trajneri gjerman ka diktuar kushtet e tij, por në të vërtetë është një agjent shqiptar që po drejton politikat, sidomos me lojtarë tërheqë.
Një nga pikat e forta do të jetë Ante Rebic, me ose pa Rangnick, me sulmuesin kroat që ka konfirmuar dëshirën e tij për të qëndruar te kuqezinjtë edhe për kampionatin tjetër. Agjenti i tij, shqiptari Fali Ramadani ka marrë “frenat” e kuqezinjve dhe po negocion veç sulmuesit dalmat, edhe me me Luka Jovic të Real Madrid i cili mbetet një objektiv për Milanin. Formula është studiuar, por problemi mbetet paga. Agjenti nga trevat shqiptare në Maqedoninë e veriut, por që ka krijuar prej dekadash kompaninë e tij në Gjermani, po punon për një akord pa shumë sforcime.
Rebic, me një hua dy-vjeçare nga Eintracht Frankfurt, do të mbetet pa probleme te Milanin edhe në sezonin e ardhshëm dhe në strategjitë e tregut të filtruara nga selia e kquezinjve, ka vullnet për një dyshe ballkanase me Joviç. njohja e tij personale me shqiptarin Fali ramadani, po ndihmon tratativat.
Sulmuesi serb nuk e ka bindur Real Madridin megjithë investimin e madh dhe pas sjelljes më të fundit kontroverse gjatë ndalesës për koronavirus, një festë me “barbecue” edhe pse raportoi se kishte dëmtim, tani do të largohet. Milionat në këtë fazë janë të rëndësishëm, por Milani po studion një zgjidhje që mund të tërheqë Realin: Një hua dy-vjeçare me të drejtën dhe jo detyrimin, për të ta blerë.
