Faza çerekfinale e kupës së Shqipërisë riktheu futbollin edhe në këtë kompeticion, duke zhvilluar ndeshjet e para mes 8 ekipeve të mbijetuara, dhe verdiktet e tapetit të blertë nuk kishin shumë surpriza.
Tirana si favorite e madhe arriti të respektojë parashikimet. Skuadra e Emanuel Egbo shkatërroi 5-1 Besëlidhjen e Lezhës, skuadra që mori avantazhin por “u shkërrmoq” shpejt në fushën e stadiumit “Selman Stërmasi”. Kryeqytetasit pas titullit janë në epërsi edhe për Kupën, edhe pse do të duhet kthimi në Lezhë, dhe sfida të tjera.
Kukësi fitoi 2-1 në Fier me Apoloninë dhe do ta ketë më të lehtë në kthim, edhe pse verilindorët nuk luajnë në shtëpi. Disfatë e hidhur por e rikuperueshme e Skënderbeut në Ballsh ndaj Bylis. 1-0 në dëm të korçarëve por kualifikimi mbetet në diskutim.
Vllaznia barazioi 2-2 daj Teutës. Në zbraztinë e “Loro Boriçi”, shkodranët prishën ekuilibrat me Zogaj, para se të thellonin me penalltinë e Hygor. Por durrsakët ende shpresuan dhe barazuan ne 2-2 me Kallakun dhe Kapllanin .
Apolonia 1-2 Kukësi
Bylis 1-0 Skënderbeu
Tirana 5-1 Besëlidhja
Vllaznia 2-2 Teuta
