Fatos Nano e drejtoi Partinë Socialiste nga viti 1991 deri në 2005. Edi Rama e nisi drejtimin e PS në 2005 e në vijim. Pra Edi Rama po drejton prej 15 vitesh këtë parti dhe Fatos Nano e drejtoi për 14 vjet. Po ku dallon PS e Nanos me PS e Ramës. Taulant Balla është nga të rrallët drejtues të PS që ka qenë bashkëpunëtor i ngushtë i ish-kryetarit Nano dhe aktualit Rama. Në emsionin HARD TALK NGA ROLAND QAFOKU, Balla krahasoi dy kryetarët e Partisë Socialiste.
-Fatos Nano e drejtoi PS-në 14 vjet, Edi Rama është në vitin e 15-të në krye të kësaj partie. Çfarë dallimesh kanë të dy këta lidera?
-Do duheshin ditë të bëja një analizë por ajo që dua t’iu them është që janë dy udhëheqësntë ndryshëm, me veti dhe karakteristika njerëzore të ndryshme, por ajo që mua më vjen mirë është që PS ka pasur fatin të ketë në këto 29 vite dy drejtues të cilët kanë pasur një qasje të qartë pro europiane, një qasje të promovimit të vlerave demokratike dhe promovimit gjithashtu të figurave të reja politike. Dallimet janë të mëdha sepse dhe kohët të cilave iu referohemi, janë kohë shumë të ndryshme. /Fjala.al/Ke.Ba
https://www.youtube.com/watch?v=BFRGQ6GJbcw
