Detaje të reja zbardhen nga ekzekutimi i 40-vjeçarit Hekuran Billa, mbrëmjen e kaluar te “Komuna e Parisit”.
Burime për “Fjala.al” bëjnë me dije se policia ka dyshime që vrasja është kryer me pagesë, ndërsa pista ku janë përqendruar hetimet e grupit hetimor është ajo e hakmarrjes për vrasjen e ndodhur 16 vite më parë në Angli.
Sipas grupit hetimor vrasja ka qenë e mirëorganizuar, ku autorët kanë survejuar të gjitha lëvizjet e viktimës, ku rreth orës 22:10 autorët kanë qëlluar me M5 me seleciator viktimën.
Mjeti që u gjet i djegur është i vjedhur në Kukës, dhe kjo ka shtyrë hetuesit të besojnë se vrasja është bërë për hakmarrje, pasi në 2006, Hekuran Billa ka ekzekutuar në Angli bashkëqytetarin e tij Pjetër Marku dhe plagosi dy persona të tjerë.
Ngjarja në atë kohë ndodhi për shkak të prishjes së pazareve të drogës dhe konflikteve për territor të rrjetit të prostitucionit. Për këtë ngjarje u dënua në Angli me burgim të përjetshëm.
Ndërkohë, mësohet se arma MP5 automatike e përdorur në krim është e ngjashme me ato që përdor Garda, dhe është çuar në laborator.
Kjo armë nuk rezulton e regjistruar në Shqipëri. Po ashtu, edhe mjeti Benz me portobagazh nuk rezulton i regjistruar. Targat e përdorura AA829 kanë qenë të vjedhura në Lezhë një vit më parë nga një mjet “Renaul”./Bl.Ba/Fjala.al
