Ditën e sotme, 12 qershor 2020, do të rikthehet ndeshja e parë e futbollit në Itali pas një pauze rreth 3-mujore nga pandemia e koronavirusit.
Kryeministri i vendit fqinj Giuseppe Conte ka firmosur rifillimin e ndeshjeve dhe takimi i parë që do të luhet është ai midis Juventus dhe Milan, që do të luhet në orën 21:45, e vlefshme për Kupën e Italisë.
Federata Italiane e Futbollit kishte propozuar që Kupa e Italisë të luhej dhe të përfundonte edicionin e saj përpara rifillimit të Seria A, e cila pritet të rifillojë më 20 qershor.
Përpara zyrtarizmit të ndeshjes Juve-Milan, datat 12 dhe 13 qershor ishin zgjedhur si më të përshtatshmet për luajtur gjysmëfinalet e kthimit Juve-Milan dhe Napoli-Inter, por për këtë nevojitej heqja e kufizimit përpara datës 15 qershor.
Conte tha dje se ngjarjet sportive me interes të lartë kombëtar do të rifillojnë që nga datat 12 qershor, pra sot.
“Duke nisur nga 12 qershori 2020, eventet sportive të njohura si interes kombëtar nga Komiteti Olimpik Kombëtar Italian, Komitati Paraolimpik Italian dhe federatat respektive, janë të lejuara që të zhvillohen në ambient të hapur dhe me dyer të mbyllura duke respektuar protokollet e dala nga vetë federatat sportive kombëtare”,-thuhet në dekretin e firmosur nga Kryeministri italian.ka.ta/Fjala.al/
