49 raste të reja pozitive me COVID-19 nga 265 teste të realizuara janë konfirmuar për 24 orët e fundit nga Instituti Kombëtar i Shëndetësisë Publike të Kosovës.
Rastet e reja pozitive janë nga: komuna e Vushtrrisë 22 raste, komuna e Pejës 7 raste, komuna e Prishtinës 5 raste, komuna e Gjilanit 3 raste, komuna e Prizrenit 3 raste, komuna e Istogut 2 raste, komuna e Mitrovicës 2 raste dhe nga 1 rast nga vendbanimet: Fushë Kosovë, Mamushë, Lubovec-Skenderaj, Zhiti-Viti dhe Suharekë.
Në total numri i të prekurëve me koronavirus në Kosovë ka arritur në 1486 persona.
Gjatë 24 orëve të fundit betejën me COVID-19 e kanë fituar dhe 25 pacientë të tjerë, duke e çuar numrin total të të shëruarve në 953 persona.
Gjithsej në Kosovë janë regjistruar dhe 33 viktima nga COVID-19 që kanë pasur edhe sëmundje të tjera shoqëruese.
“Duke pasur parasysh se në javën e fundit kemi rritje të rasteve pozitive që në intensitet krahasohen me mesin e muajit prill dhe kemi raste te punëtorët e organizatave publike e private, si Posta e Kosovës, KEK, KEDS, Galeria e Arteve, institucione bankare, shëndetësore, agjensione, kompani tregtare dhe biznese private, rekomandojmë Ministrinë e Shëndetësisë të mbyllen sektorët ku ka raste pozitive dhe të gjitha rastet pozitive dhe kontaktet e tyre të mbahen në vetizolim, ndërsa BARTJA E MASKAVE MBETET OBLIGATIVE! Apelojmë te qytetarët, bizneset, gastronomia, që në mënyrë strikte të respektojnë distancën fizike, përdorimin e maskave, dezinfektimin dhe ajrosjen e lokaleve, duke pamundësuar përhapjen eventuale të infeksionit dhe shmangien e përhapjes në hapësirat e mbyllura.” thuhet në njoftimin e ISHPK-së./En.Br./Fjala.al
