Në verën e vitit 1920, këndi juglindor i Evropës ishte një vend i dëshpëruar. Konfliktet – duke filluar me Luftën e Parë Ballkanike në 1912, dhe duke vazhduar me Luftën e Parë Botërore në 1914-18 – kishin marrë jetë të panumërta.
Kryqi i Kuq Amerikan kishte operuar në Ballkan që nga viti 1915 dhe në 1919-20, fotografi Lewis Hine * ishte në gjendje të udhëtonte rajonin me një aparat fotografik me format të madh për të regjistruar disa nga momentet e jetesës në Ballkan gjatë periudhave më të errëta .
Në fotografitë e mëposhtëme ne kemi përdorur titujt origjinalë – të redaktuar për qartësi dhe drejtshkrim – që ofrojnë njohuri për njerëzit e ndryshëm të Ballkanit, si dhe perspektivën nganjëherë patronizuese të një vëzhguesi perëndimor të kohës.
“Të moshuarit e shtëpisë: Ky është lloji i njerëzve që qëndrojnë për gjithçka që është më e mira në jetën rumune. Ata janë fshatarë të një vendi prodhues të grurit dhe kanë punuar në tokë që nga fëmijëria. Është ky lloj i njerëzve të Ballkanit për të të cilët ndihma [e Kryqit të Kuq] ishte e vazhdueshme”.
“Ushtari i vogël serb: Ky i ri i ndritshëm i Ballkanit është nga jetimorja e Beogradit, kryeqytetit serb, një nga institucionet e shumta në llojin e tij duke marrë vëmendjen e Kryqit të Kuq Junior. Jetimët serbë i kanë parë amerikanët pothuajse që nga ditët e para të luftës dhe i kanë konsideruar ata si pjesë të jetës së tyre. Shumica e djemve i përkasin Boy Scouts, të modeluar me veshjet tipike amerikane dhe angleze “.
“Shqiptarët në tokën e tyre: Shqiptarët janë shumë luftëtarë të zotë, por në zemër nuk janë luftëdashës apo kaçakë siç dhe janë konsideruar shpesh herë… Edhe pse gratë shpesh mbajnë armë, përgjithësisht dihet që shqiptarët e kanë të shenjtë respektimin e grave sa që kushdo që është I shoqëruar nga një grua mund të shkojë kudo dhe të mos ngacmohet nga askush.
“Një vajzë malazeze e vogël me flokë të verdhë: Vajza e vogël humbi prindërit e saj gjatë luftës dhe lypte çdo ditë, ajo jetonte me 31 jetimë të tjerë në një shpellë afër Podgoricës. Ajo ishte vendosur nga [Kryqi i Kuq] në shkollën e Cetinje. Rrobat e vjetra që shihen në foto i ndërroi me rroba të ngrohta amerikane. Tani ajo po ushqehet rregullisht, jeton në një ambient të pastër dhe po mëson lexim, shkrim dhe aritmetikë ”
“Balkan Travel Deluxe: Metoda popullore e udhëtimit në Shqipëri, ku mali ndjek malin me shpejtësi mahnitëse. Kjo fotografi është shkrepur jashtë kampit të Kryqit të Kuq në Scutari ku burri erdhi për kurimin nga kafshimi i gjarpërinjve pasi u përpoq pa sukses për të kuruar veten me metodën popullore të aplikimit të karafilave dhe lëngut të duhanit “.
“Veterani lufte në moshën 12 vjeçare: Ky djalë ishte [5 vjeç] kur humbi krahun në Luftën Ballkanike të vitit 1912. Atë vit u zhvendos në qytetin e Tiranës me një krah; një refugjat nga një zonë luftarake disa milje larg. Fshatarët e Ballkanit u mërzitën kur e gjetën duke luftuar me qenët e rrugës për copëza ushqimesh.Kur Kryqi i Kuq Junior erdhi në Tiranë ata gjetën një shtëpi për të riun, i cili tani është 12 vjeç dhe një veteran i dy luftërave ”.rferl/r.g/Fjala.al
