Një nga 57 rastet e reja të konfirmuara ditën e sotme nga Ministria e Shëndetësisë, është dhe një rast nga qyteti i Fierit. Bëhet me dije se personi i infektuar është një grua nga Libofsha e cila dyshohet se është infektuar në QSUT në Tiranë ndërsa kurohej për leucemi.
Bëhet me dije se gruaja ka marrë trajtimin në hematologji dhe është kthyer në shtëpinë e saj në Libofshë ku ka shfaqur simptoma të Covid-19, pasi ka kryer tamponin ajo ka rezultuar pozitive. Ndërkohë tamponi i është bërë dhe bashkëshortit të saj, por ai ka rezultuar negativ.
Ditën e sotme është shënuar një rekord i ri me raste të Covid-19, gjatë 24 orëve të fundit në vendin tonë kanë rezultuar pozitive 57 persona. Ministria e Shëndetësisë ka bërë me dije gjatë deklaratës për shtyp se janë kryer 362 teste./re.gu/fjala.al
