Turmat massive dhe elektrizuese të tifozëve të futbollit, në vendin ku është shpikur ky sport, mund të ktheheshin në stadiumet në Angli deri në fund të vjeshtës. FA po planifikon me Sekretarin e Shëndetësisë, teste gjigante prove për të parë nëse tifozët mund të ruajnë distancën sociale në vendet e caktuara.
Po ushtrohet gjithmonë e më tepër presion që Premier League së paku dhe elita e skuadrave të rugby të luajnë në prezencë të tifozëve, në stadiume pjesërisht plot. Një kalendar kohor nuk u hartua në takimin e fundit të FA, por planet provuese për çdo rikthim të tifozëve do varen nga shkalla e infeksionit të Covid-19 në Britaninë e Madhe.
Bill Sweeney, shefi ekzekutiv i Unionit të Futbollit Rugby, tha se nëse qeveria modifikon rregullat për distancimin shoqëror nga një distancë prej dy metrash në vetëm një metër. Kjo do të lejonte 40,000 spektatorë brenda “Twickenham” në vend të vetëm 9.500 tifozëve.
Sezoni i Premier League është vendosur të rifillojë të mërkurën në mbrëmje pa prezencën e tifozëve ndërsa ndeshjet e testit të Kriketit në Angli pa spektatorë do të luhen muajin tjetër.
