Ministri i Jashtëm i Shqipërisë Gent Cakaj gjatë qëndrimit në Sarajevë, ka takuar edhe Kryesuesin e Presidencës së Bosnjë e Herzegovinës Sefik Dzaferoviç.
Gjatë qëndrimit zyrtar në Sarajevë, takuam edhe Kryesuesin e Presidencës së Bosnje dhe Hercegovinës, Šefik Džaferović ????!
Biseduam për nevojën e rritjes së bashkëpunimit dypalësh veçanërisht nëpërmjet nxitjes së turizmit dhe shtimit të këmbimeve tregtare. Bashkërisht theksuam rëndësinë e patjetërsueshme të mbështetjes së Procesit të Berlinit dhe ruajtjes së frymës proevropiane në Ballkanin Perëndimor.
Ndamë pikëpamjen se procesi i anëtarësimit në Bashkimin Evropian është një instrument shumë i rëndësishëm i reformave dhe mbylljes së çështjeve dypalëshe në rajon.
Shqipëria, ndërkaq, do të punojë pakursyer për zbatimin e objektivave të nevojshëm në procesin e anëtarësimit në BE dhe ruajtjen e vlerave transatlantike në Ballkanin Perëndimor.
Bo.Ba/fjala.al
