Javën e fundit është shënuar një rritje e ndjeshme e infektimeve me COVID-19 dhe pyetje që mund të shtrojë kushdo në këtë situatë është sesa është kapaciteti i spitaleve tona për të përballuar.
Sipas shefes së Epidemiologjisë në Institutin e Shëndetit Publik, Eugena Tomini, Shqipëria zotëron rreth 550 shtretër, që mund të përdoren në rast nevoje për pacientët që kërkojnë trajtim spitalor dhe rreth 20-25 pacientë mund të përballohen në terapi intensive.
“Kapacitetet shëndetësore aktualisht janë në alert, ne kemi rreth 550 shtretër sa i takon kapaciteteve për COVID-19. Këto janë mbështetje sa i takon asistencës së personave që do të kërkojnë trajtim spitalor. Janë shtuar respiratorët, të cilat janë në ndihmë të personave që do të kërkojnë oksigjeno-terapi apo trajtim reanimator. Intervali i personave që duhet të jenë në terapi intensive është nga 20-25 persona. Nuk janë vetëm kriteret e rritjes së rasteve, por varet edhe nga kapacitetet shëndetësore për të përballuar fluksin”, tha Tomini në Euronews Albania./En.Br./Fjala.al
