Ky ishte një vit i vështirë për psikikën amerikane, njerëzit në SHBA janë sot më të palumturit sesa kanë qenë përgjatë 50 viteve.
Ky studim surprizues vjen nga autoritetet përgjegjëse që studiojnë Covid-in, i kryer nga NORC në Universitetin e Chicagos. Nga studimi u zbulua se 14% e të rriturve amerikanë thonë se janë shumë të lumtur, ndërsa në vitin 2018 ishte një shifër më e lartë, prej 31 % të amerikanëve që deklaronin se ishin shumë të lumtur. Në 2018 23% deklaruan se ndonjëherë ndiheshin të vetmuar dhe të izoluar, ndërsa tani kjo shifër është rritur në 50%.
Sondazhi, i kryer në fund të majit, përqendrohet në gati një gjysmë shekulli studim nga Sondazhi i Përgjithshëm Social, i cili ka mbledhur të dhëna për qëndrimet dhe sjelljet të amerikanëve të paktën çdo vit që nga viti 1972. Por ajo çfarë vihet re është fakti se për kaq vite me radhë asnjëherë sondazhi nuk kishte rënë në 29% për amerikanët që janë të lumtur.
Shumica e intervistave të anketave të reja të studimit ishin përfunduar përpara se vdekja e George Floyd e cila shkaktoi protesta mbarëkombëtare dhe një bisedë globale për racën dhe brutalitetin e policisë, duke shtuar ndjenjat e stresit dhe depresionit që amerikanët tashmë po përballeshin nga shpërthimi i koronavirusit./Re.Gu/apnews/Fjala.al
