Sa herë flitet për figura historike është tendenca që t’i jepen edhe merita që si kanë patur, por kur flitet për Sami Frashërin nuk ka asnjë diskutim se është mendimtari më i shquar i nacionalizmit shqiptar.
Sot është 116 vjetori i ndarjes nga jeta i Sami Frashërit. Intelektuali, gazetari, dramaturgu dhe një ndër ideologët kryesor të Rilindjes Kombëtare si është Sami Frashëri, u nda nga jeta më 18 qershor 1904.
Kujtojmë se Sami Frashëri ishte mendimtari më i shquar i nacionalizmit shqiptar. Sami Frashëri drejtoi revistat e para në gjuhën shqipe ‘’Drita’’ dhe ‘’Dituria’’ në Stamboll. Nga tetori i vitit 1879 drejtoi “Shoqërinë e të shtypurit shkronjat shqip”. Ai është autor i mbi 50 veprave në gjuhën shqipe, turke dhe arabe, ku mund të përmendim:
?Drama “Besa” (1874)
?Abetare e gjuhës shqipe (1886)
?Kamus al Alam, enciklopedia turke (1889–1896)
?Shkronjtore e gjuhës shqipe (1886)
?Shqipëria ç’ka qenë, ç’është e ç’do të bëhet (1899). Vepër e cila shtjellon idetë mbi çështjen kombëtare, u botua në Bukuresht në vitin 1899 pa emrin e tij. Kjo vepër u bë manifesti politik i lëvizjes kombëtare.
Në foto: Sami Frashëri dhe një nga veprat e tij e vitit 1886 e cila ruhet në Bibliotekën e Arkivit Qendror Shtetëror.
la.mi/Fjala.al
