Burime për Grupin Mediatik “Fjala” bëjnë me dije se është vënë në pranga Viktor Markun lidhur me atentatin ndaj Hekuran Billës, ngjarje kjo e ndodhur më 11 qershor të këtij viti te zona e “Komunës së Parisit” në kryeqytet.
Ai është vëllai i Prel Markut të ekzekutuar nga Hektor Billa në vitin 2006 në Angli. Burime bëjnë me dije se ai është në tentativë duke u larguar drejt vendeve të Bashkimit Europian, përkatësisht është arrestuar në Malin e Zi nga autoritet e vendit fqinj.
Ngjarja dyshohet se ka ndodhur për hakmarrje dhe autori kryesor i vrasjes dyshohet se është i arrestuari i sotëm Viktor Marku. Ndërkohë një ditë më parë u vu në pranga nipi i Prel Markut, 22-vjeçari Sebastian Mali i cili akuzohet si bashkëpuntor për ngjarjen në fjalë.
/En.Br./Fjala.al
