Një krim në familje është parandaluar këtë të shtunë. Pas një debati të çastit, një 53 vjeçar tentoi të godasë më thikë dhëndrin e tij.
Sipas policisë, ngjarja është shënuar në fshatin Baban të Devollit.
“Shërbimet e Komisariatit të Policisë Devoll, pas marrjes së një telefonate se në fshatin Baban, po ndodhte një konflikt, janë nisur menjëherë në vendngjarje ku kanë konstatuar se shtetasi A. K., 53 vjeç, pas një konflikti të çastit në banesë me dhëndrin e tij shtetasin B. D., 30 vjeç, ka tentuar t’a vrasë me thikë këtë të fundit” – njofton policia.
Specialistët e hetimit të krimit arrestuan në flagrancë 53 vjeçarin ndërkohë që materialet i kaluan Prokurorisë së Rrethit Gjyqësor Korçë për veprat penale “Vrasja për shkak të marrëdhënieve familjare, mbetur në tentativë” dhe “Dhuna në familje”./Fjala.al/Ke.Ba
