Një ngjarje e rëndë ka ndodhur mëngjesin e sotëm në qytetin e Elbasanit, ku mësohet se një 31-vjecari ka dhënë fund jetës duke u hedhur nga kati i katërt i pallatit.
Në një njoftim për mediat policia bën me dije se ngjarja ka ndodhur në lagjen “Beqir Dardha”, ndërsa ka ndërruar jetë gjatë kohës që po transportohej për në spital.
Burime për Fjala.al bëjnë me dije se 31-vjeçari me inicialet U.Xh, është hedhur për herë të dytë, pasi edhe përpara 5 viteve ka bërë të njëjtën gjë por ka mundur që të shpëtoj. Ndërsa ngjarja e ditës së sotme ka rezultuar fatale për të.
Njoftimi i policisë:
Elbasan/Informacion paraprak
Në lagjen “Beqir Dardha”, Elbasan, shtetasi U.Xh., 31 vjeç, është hedhur nga ballkoni i banesë së tij nga kati i katërt i një pallati dhe rrugës për në spital ka ndërruar jetë.
Grupi hetimor ndodhet në vendngjarje dhe po punon për zbardhjen dhe sqarimin e rrethanave të ngjarjes.ka.ta/Fjala.al/
