Bashkëanëtari i mazhorancës në Këshillin Politik, Damian Gjiknuri, në një deklaratë për mediat, tha se sot është përfunduar puna dhe është arritur marrëveshja për të gjitha pikat e mbetura pezull më herët.
Gjiknuri nënvizoi faktin se është arritur dhe marrëveshja për ligjin zgjedhor për vitin 2023, siç është folur dhe më herët.
Fjala e plotë
“Sot përfunduam punën dhe gjetëm dakordësi për të gjitha, që kishin mbetur pezull në mbledhjet e kaluara. E them pa droje që kemi plotësuar të gjitha kërkesat e opozitës. Unë dua të them që të plotësohet të gjitha kërkesat dhe frikërat e opozitës në ligjin e ri zgjedhor, tani është në dorë të ekspertëve që të zbardhin marrëveshjen”
“Punë e lodhshme ishte, për shkak dhe të klimës së tensionuar politike. Sot arritëm marrëveshjen për KQZ-në që do të bëhet në Kuvend, ku opozita do të ketë një anëtar të dërguar në Kuvend dhe do të ketë të drejtën e përjashtimit për anëtarët e propozuar prej nesh, afërsisht siç është tani”.
Bo.Ba/fjala.al
