Edhe në ekonomi ka histori. Profesor Adrian Civici në emision HARD TALK NGA ROLAND QAFOKU tregon momentet më të rënda të ekonomisë në historinë e botës që janë shkaktuar jo nga krizat financiare por nga ngjarje të paparashikueshme si pandemitë dhe sëmundjet. Sipas tij ato nisin që në vitin 150 pas lindjes së Krishtit.
-A ka një situatë të dytë si kjo në historinë e botës ?
-Jo nuk ka një situatë të tillë dhe pot ë analizosh ato 10-12 pandemitë më të mëdha por që shumica kanë ndodhur para historisë moderne, pandemitë e tjera kishin të bënin me SIDA-n, me SARS-in.
-Po Gripi Spanjoll?
-Ne merremi me historinë moderne por edhe në kohën e Romës ajo që quhet pandemia Antonina që ishte nga pandemitë më të mëdha e cila bëhet fjalë për shekullin e dytë, ku vdiq 30% e Perandorisë Romake, pastaj kemi atë që ëuhet Murtaja e Zezë, në shekullin XIV e cila gati përgjysmoi popullsinë e Europës. Pastaj nga pikëpamja e efekteve është Gripi Spanjoll I cili ka marrë këtë emër sepse ishte Spanja e para që e bëri publike por ai filloi në SHBA.
-Dhe ekonominë në këto momente mund ta krahasoni me ato që kanë ndodhur më herët?
-Jo, në histori nuk njihet me këto përmasa. Edhe ekonomia botërore është bërë me 10 zero më e madhe dhe e fuqishme, kështu që edhe efektet janë të shumëfishuara. Mendohet që nga parashikimet të humbet rreth 10-12% e Prodhimit të Brendshëm Botëror Global që është një shifër e paimagjinueshme për nga përmasat./Fjala.al/Ke.Ba
https://www.youtube.com/watch?v=Ofc9yt1-zUw