Shishja e vodkës si shoqja më e mirë i kushtoi Wesley Sneijder, një skuadër si Real Madrid dhe gjithashtu i bëri të dështojnë atij dy dasma. “Unë nuk isha i vetëdijshëm se kalimi te Real nënkuptonte gjithashtu lëvizjen me kohë të plotë edhe në jetën e natës së Madridit. Unë u përfshiva keq në këtë ves. Isha i ri, po shijoja sukses dhe më pëlqente shumë vëmendja. Kjo është pikërisht kur gjërat filluan të shkojnë keq në jetën time” thotë Sneijder në autobiografinë.
Wesley Sneijder, ish-mesfushori sulmues arriti në Bernabeu në vitin 2007, duke ardhur nga Ajax. Ai ishte asokohe vetëm 23 vjeç, por ai tashmë konsiderohej një nga talentet e mëdhenj në futbollin europian. (fjala.al). “Sirenat” e jetës së natës e joshnin dhe ishte fillimi i fundit të aventurës galaktike.
DROGA- “Unë nuk kam përdorur drogë, por piva shumë alkool dhe duke qenë një nga yjet e Real Madridit, unë bëra një jetë të çmendur, e ndonjëherë isha plotësisht i dehur dhe duke u zvarritur në rrugë, duke shpenzuar mijëra euro për të paguar pije për të gjithë në çdo klub. Unë isha një njeri i dobët dhe nuk rezistova, duke i lënë njerëzit të më trajtojnë si një yll” tha Sneijder.
VODKA- E lodhur nga mënyra e jetesës së bashkëshortit të saj, i cili së bashku me vodkën, po konsumonte edhe karrierën e tij në futboll, gruaja e parë e Sneijder, Ramona Streekstra, paraqiti divorc dhe u largua me djalin e saj Xhesin dhe gjithashtu martesa e dytë me modelen Yolanthe Cabau përfundoi së fundmi në të njëjtën mënyrë.(fjala.al)
“Unë nuk e kuptova që miku im më i mirë ishte shishja e vodkës – rrëfeu Sneijder në librin e tij – dhe të tjerët më bënë ta kuptoja. Ruud van Nistelrooy dhe Arjen Robben gjithashtu synonin të më mbronin duke më kujtuar shpesh që të ktheja jetën në rregull , ose nuk do të rezistoja për një kohë të gjatë duke vazhduar me këtë ritëm. Unë nuk isha i përqendruar dhe qëndrimi im profesional nuk ishte i denjë për Real Madridin. E gënjeva veten duke thënë që isha mirë, por në realitet kam arritur të qëndroj në ekip vetëm falë inteligjencës time, sepse unë po bija fizikisht” tha Sneijder.(fjala.al)
