E rëndë në Kosovë, e mitura mbytet në pishinë

Një ngjarje e rëndë është regjistruar këtë të shtunë në Kosovë. Një vajzë 13-vjeçe është mbytur në një pishinë në Lipjan teksa po lahej në të.

Sipas autoriteteve policore vendase 13-vjeçarja ishte dërguar pa shenja jete në Qendrën e Mjekësisë Familjare në Komoran.

“Policia ka pranuar informatën se sot pasdite një fëmijë i gjinisë femërore, rreth 13 vjeç dyshohet se ka qenë duke u larë ne një pishinë dhe e njëjta është sjellë në qendrën e Mjekësisë Familjare në Komoran ku edhe është konfirmuar se është pa shenja jete. Njesitët kompetente policore përfshirë hetuesinë kanë proceduar në vendin e incidentit për veprime të mëtejme”. thuhet në njoftimin e policisë për mediat kosovare.