Numri i viktimave në Kosovë nga Covid-19 ka shkuar në 47.
Vetëm në 24 orët e fundit në Kosovë nga infektimi me koronaivrus kanë ndërruar jetë edhe tre persona. Dy prej viktimave, sipas Klinikës Infektive, janë nga komuna e Prizrenit. Bëhet fjalë për një 78 dhe 57 vjecar.
Njoftimi i plotë:
Bazuar në raportin e datës 27.06.2020, në Klinikën Infektive të Qendrës Klinike Universitare, janë të hospitalizuar 97 raste Covid -19 pozitiv.
45 raste janë duke u trajtuar në reparte me oksigjenoterapi dhe përkujdesje intensive.
Në repartin e Mjekimit Intensiv janë duke u trajtuar 5 raste, 2 raste janë në gjendje të rëndë duke u trajtuar me oksigjenoterapi dhe përkujdesje intensive, si dhe 3 raste janë në gjendje kritike me frymëmarrje të asistuar me respiratorë.
Mbrëmë në Klinikën Infektive ka ndërruar jetë pacienti J. N. 1963 nga komuna e Prizrenit, si dhe sot në orët e hershme të mëngjesit ka ndërruar jetë pacienti R. B. 1942 nga komuna e Prizrenit, të cilët përveç infeksionit me Covid -19 kishin edhe sëmundje shoqëruese.
Sot, në orën 08:15, ka vdekur pacienti me inicialet D.N, viti i lindjes 1949 nga Suhareka.
