Të gjithë e dimë që ka disa kënde apo poza, që marrim kur bëjmë foto për ti publikuar më pas në rrjetet sociale, që na bëjnë të dukemi më mirë por ndriçimi luan rolin kryesor.
Sot, femrat kryesisht ndonëse përjashtim nuk bëjnë as meshkujt, kanë gjetur mënyrën më të mirë për tu dukur perfekte në fotot që postojnë në Instagram dhe kjo falë filtrave, që i ndryshon 100%.
Por, Danae Mercer, një gazetare amerikane dhe influencuese mode gjithashtu, ka provuar se sa e lehtë është ta ndryshosh trupin dhe fytyrën përmes këtyre aplikacioneve, si je në të vërtetë dhe si shfaqesh në foto.
https://www.instagram.com/p/CBauEMPJjvi/?utm_source=ig_embed
“Mjaft u shqetësove në qoftë se të tjerët të pëlqejnë. Ti e pëlqen veten?” pyet Danae.
Në një shkrim të gjatë, shoqëruar edhe me foto të realizuara prej vetë saj, gazetarja thotë se femrat duhet ta pranojnë veten siç janë ose të përpiqen ta ndryshojnë veten në qoftë se nuk i pëlqen mjaftueshëm.
“Shumica e modeleve-insta dinë saktësisht sesi të pozojnë në këndin e tyre më të mirë. Në këtë rast i mjafton vetëm ndriçimi. Në qoftë se pozon përballë diellit, sigurisht që do shkëlqesh. Mjafton pak hije që në foto të dalë çdo grimcë celuliti e trupit, apo dhjami, apo barku i fryrë” shkruan ajo.
https://www.instagram.com/p/CB0cWSapm0K/?utm_source=ig_embed
Gazetarja dhe influencuesja e modës, e cila jeton në Emiratet e Bashkuara Arabe nxit vajzat që edhe në fotot e instagramit të jenë vetëvetja.
“Nuk duhet ta krahasoni veten me një të huaj në internet. Meritoni më shumë se aq” këshillon ajo.
Ndjekësit e saj e vlerësuan ndershmërinë e gazetares dhe postimi i saj mori menjëherë 345 mijë pëlqime, edhe fotot saj gjithashtu. menjëherë vajzat në rrjet nisën ti dërgojnë foto nga të gjitha këndet e mundshme, duke treguar edhe problemet e tyre fizike./Re.Gu/Fjala.al
