Ka përfunduar mbledhja e Këshillit të Emërimeve në Drejtësi. KED ka sqaruar se është ngritur një grup pune për rekomandimet e Komisionit të Venecias.
Mbledhja e sotme ishte e para e zhvilluar pas largimit të Ardian Dvoranit si kryetar, ndërkohë që vendin e tij e ka marrë nënkryetarja Vitore Tusha.
Çfarë u diskutua në këtë mbledhje:
1. Diskutime dhe vlerësime në lidhje me rekomandimet e bëra nga Komisioni i Venecias në Opinionin nr.978/2020, datë 19 qershor 2020 “Për Emërimin e Gjyqtarëve në Gjykatën Kushtetuese” përsa i takon veprimtarisë së Këshillit të Emërimeve në Drejtësi.
2. Të tjera që lidhen me vijimësinë e përgatitjes së çështjeve të shortuara.
Ky këshill bën me dije se mbledhja e radhës do të organizohet në ambientet e Gjykatës së Lartë.
Ndërkohë, zhvilluan sot një takim ku u dakordësuan nevojën për ta kthyer sa më shpejt në funksionale Gjykatën Kushtetuese.
Gjithashtu, KED thotë se vakanca e tretë që i takon Metës nuk është përfunduar.
Bo.Ba/fjala.al