Kreyetari i SPAK Arben Kraja dhe kreu i antimafias italiane Federico Cafiero De Raho kanë mbajtur fjalën e tyre në një konferencë për shtyp duke sqaruar edhe detajet e operacionit të përbashkët mes dy vendeve, që ka bërë të mundur arrestimin e 37 personave.
Kraja ka bërë me dije se ky bashkëpunim ka bërë të mundur arrestimin e 37 personave dhe sekuestrimin e 3.5 ton drogë me vlerën e 40 mln eurove në vetëm 3 vite .
“Bashkëpunim i bërë në kohën e duhur si nga autoritetet shqiptare dhe ato italiane ka bërë të mundur rezultate pozitive në goditjen kundër krimit dhe mafias”- është shprehur Kraja
Ndër të tjera gjatë konferencës është bërë me dije nga të dyja palët, se bashkëpunimi dhe operacione të tjera do të vazhdojnë kundër krimit të organizuar.
De Raho, kreu i antimafias italiane ka thënë për mediat se ky operacioni ishte përgjigja me e mirë kundër krimit dhe se ky operacion është koordinuar nga Eurojust.
Ndër të tjera kryetari i SPAK është shprehur se do të vazhdojë hetimi për të gjithë zyrtarët që lejuan trafikimin e drogës. /Ra.My. Fjala.al/
https://www.youtube.com/watch?v=Kyqc2kwDU88&fbclid=IwAR3NOyO_tfOGQ0nIHi3HphtTT9aR8e90_KdyLp0wyqp0cggpCgsf2xQJGZA
