Ndërkohë që Organizata Botërore e Shëndetit bën thirrje të vazhdueshme se duhet të kujdesemi pasi pandemia nuk ka mbaruar, në Republikën Çeke është mbajtur një festë për ti dhënë ‘lamtumirë simbolike’ pandemisë.
Mijëra njerëz u ulën në një tryezë të gjatë 500 metra, ditën e djeshme, në urën Charles në Pragë duke ndarë ushqime dhe pije që kishin sjellë nga shtëpia. Ajo që ra në sy në këtë festë ishte se nuk u zbatua distanca fizike.
Republika Çeke me një popullsi prej 10 milion ka regjistruar rreth 12 mijë të infektuar, ndërkohë 350 persona kanë humbur jetën.
Ondrej Kobza, organizator i festës dhe pronar i një kafeneje në qytet, i tha agjencisë së lajmeve AFP:“Ne duam të festojmë fundin e krizës së koronavirusit duke i lënë njerëzit të takohen dhe të tregojnë se nuk kanë frikë të takohen, se nuk kanë më frikë të marrin një copë sanduiç nga fqinji i tyre “./Re.Gu/Fjala.al
