Kryepeshkopi Anastas Janullatos është rikthyer në detyrë pas një ndërhyrjeje në zemër. Për fat të mirë, gjithçka shkoi me sukses në shëndetin e tij.
Më 27 qershor Kryepeshkopi Anastas Janullatos iu nënshtrua një ndërhyrje, ku vendosi 2 stenda në zemër.
Lajmin e mirë e ka bërë të ditur Kisha Ortodokse Autoqefale e Shqipërisë me anë të një postimi në rrjetin social ku shkruan se Janullatos është në gjendje të mirë shëndetësore dhe i mundur të marr sërish detyrat e tij.
Në postim Janullatos falenderon stafin mjekësor për gjithë punën e shkëlqyer që kanë bërë me të, në një moment të vështirë.
Njoftimi i plotë
Fortlumturia e Tij, Kryepiskopi i Tiranës, Durrësit dhe i Gjithë Shqipërisë, Anastasi, pas ndërhyrjes së suksesshme angioplastike për vendosjen e dy stendave në Spitalin HYGEIA të Tiranës, ditën e premte, më 26 qershor 2020, dhe pas normalizimit të shëndetit të tij, u kthye në Kryepiskopatë, mesditën e së mërkurës, më 1 korrik 2020.
Fortlumturia e Tij, duke lavdëruar me mirënjohje Perëndinë, shpreh nga thellësia e zemrës falënderimet më të ngrohta për mjekët që u kujdesën: kardiologun z. M. Llambro M.D, për ndërhyrjen e tij të shkëlqyer; mjekun anesteziolog z. B. Arabi M.D; profesorin e Patologjisë, z. A. Pilaca M.D.; personelin e zgjedhur të infermierëve dhe, veçanërisht, për Drejtorin e Përgjithshëm të HYGEIA-s, z. L. Solis M.D.
Nga Kryepiskopata e Shenjtë
Tiranë, 2 korrik 2020
Bo.Ba/fjala.al
Bo.Ba/fjala.al
