Këtë të premte në qytetin e Durrësit 110 familje janë pajisur me lejet e legalizimit të një pallati në lagjen nr. 2 .
Tapitë janë dorëzuar qytetarëve nga Artan Lame i cili u ka kërkuar të pranishëm të njoftojnë të afërmit e tyre dhe miqtë të cilët kanë prona të ngjashme për t’i legalizuar.
Në këtë takim nuk munguan as batutat mes Lames dhe banorëve teksa pyeste nëse ndokush u ka kërkuar lekë për përfitimin e dokumentacionit dhe duke iu referuar me batuta punonjësve të Kadastrës.
Lame nuk nguroi të falenderoi kryetaren e bashkisë për bashkëpunimin dhe ndihmën në projekt duke prezantuar dhe risitë në teknologjinë e e-albania në të cilën kishte qytetarë të cilët kishin aplikuar për dokumentacion dhe e kishin marrë atë brenda 24 orëve.
”Janë 110 familje që përfitojnë nga ky projekt. Na thoni nëse ju ka kërkuar njeri lekë. Pra mjafton të ndiqen procedurat. Në këtë proces ka qenë i nevojshëm bashkëpunimi me Bashkinë Durrës, prandaj dua t’i jap fjalën dhe kryetares së Bashkisë, Znj. Emirjana Sako’, shtoi Lame.
”Janë rreth 3000 apartamente që po shqyrtohen për tu pajisur me dokumentin e pronesisë, pra janë në proces shqyrtimi dhe vlerësimi. Procesi ka filluar dhe do të vazhdojë deri në fund të vitit dhe ndoshta pak më pas, por do të përpiqemi të punojmë në ritmin e duhur, tha Seko
”Disa prej certifikatave mund të merren nëpërmjet rrugëve elektronike,që do të thotë se për një pjesë të dokumentave mund të aplikoni online. Aplikoni dhe brenda 24 orëve merrni çertifikatën online”, nënvizoi Lame
Qytetarët u shprehën të lumtur për marrjen e legalizimeve.
”Ndjehem shumë e lumtur që pas pothuajse prej 12 vitesh mundëm të marrim dokumentacionin kaq shumë të kërkuar. Falë procedurave që u ndoqën, ajo kohë duket tashmë mjaft e shkurtër për më tepër kur mendon që ka qenë shteti i cili erdhi tek me për këtë çështje.”
Bo.Ba/fjala.al
