Gianluigi Buffon është një legjendë e gjallë e futbollit italian. Portieri i Juventusit vazhdon të luajë, ndonëse tashmë është plot 42-vjeç.
Së fundmi Buffon ka bërë me dije se koha për t’u tërhequr nga futbolli aktiv do jetë viti i ardhshëm.
Në konferencën për mediat pas fitores 4-1 në derbin e Torinos, gardiani i portës së Juves paralajmëroi se do të luajë deri në moshën 43-vjeçare.
“Tani jam shumë i gëzuar, por ndjesia e rekordit nuk më ka prekur më parë. Kam qenë i shkujdesur dhe moskokëçarës. Të thyeja rekordin e Del Pieros për prezencën në stadium nuk ka qenë fare synimi im. Praktikisht, u tërhoqa nga futbolli dy vite më parë. E kuptoj se nëse kam motivimin e duhur mund të luaj edhe disa ndeshje pa problem. Do të jem këtu deri në moshën 43-vjeçare, por që kur kam mbushur 40 vjeç po i shikoj gjërat muaj pas muaji”-u shpreh ai.
Ndërsa në takimin e Juventusit me Torinon, Buffon kaloi edhe ish-kapitenin e Milanit, Paolo Maldini si lojtari me më shumë paraqitje në kampionatin italian Seria A.ka.ta/Fjala.al/
