115 raste të reja, 7 viktima dhe 40 të shëruar është bilanci i Covid-19 për 24 orët e fundit në Maqedoninë e Veriut.
Autoritetet vendase të shëndetësisë konfirmuan se nga 1032 testime të kryera në 24 orët e fundit 115 prej tyre rezultuan pozitiv me COVID-19. Numri më i madh i rasteve të reja është në Shkup, përkatësisht 53, Strugë 13, Tetovë 8 dhe nga gjashtë raste në Dibër dhe Shtip, ndërsa në qytetet e tjera ka nga më pak se katër raste.
Shtatë viktimat e 24 orëve të fundit janë: pesë nga Shkupi dhe nga një në Tetovë dhe Krushevë. Në Klinikën për Sëmundje Infektive kanë vdekur dy pacientë të moshës 50 dhe 70 vjeçe. Në SPQ “8 Shtatori” kanë vdekur pesë pacientë të moshës 56, 62, 64, 65 dhe 82 vjeç.
Ndërsa nga 40 pacientët që kanë fituar betejën me COVID-19, 26 prej tyre janë nga Shkupi, Veles-2, Gostivar-3, Kërçovë-3, Resnjë-6.
Numri në total i të infektuarve me Covid-19 nga fillimi i epidemisë në Maqedoninë e Veriut ka arritur në 7046 persona, numri i pacientëve të shëruar është 3027, të vdekur janë 341, ndërsa për momentin raste aktive në vend janë 3678.
/En.Br./Fjala.al
