Ministri i Shëndetësisë në Maqedoninë e Veriut, Venko Filipçe ka paralajmëruar se koronavirusi Covid-19 do të qëndrojë gjatë dhe se goditja më e fuqishme prej tij do të jetë në vjeshtë.
Sipas tij në vjeshtë njerëzit do të qëndrojnë më shumë në ambiente të mbyllura ndaj dhe mundësia e infektimit do të jetë më i madh.
“Sipas të gjitha analizave dhe parashikimeve, supozimi mbetet se në vjeshtë virusi do të përhapet më shpejt dhe më fuqishëm sepse edhe njerëzit nuk do të jenë në gjendje të jenë në ambiente të jashtme, ata do të jenë më shumë brenda. Kjo e konfirmon se virusi është këtu. Siç po shihet, do të qëndrojë për një kohë të gjatë, dhe ne duhet të jemi të përgatitur. Duhet ta përgatisim sistemin e kujdesit shëndetësor dhe të respektojmë masat për mbrojtje personale”, tha Filipçe.
