Ministrja e Shëndetësisë, Ogerta Manastirliu nxjerr pamje të reja nga puna në spitalin Infektiv, ku po trajtohen pacientët e prekur me koronavirus.
Ajo thotë se vijon të ketë pacientë të rinj të shtruar në spital, me simptoma të rënduara, si pasojë e virusit të rrezikshëm Covid-19.
“I gjithë shërbimi, duke filluar nga ekzaminimet, deri tek trajtimi në terapinë intensive realizohen në spitalin infektiv nga ekipi i specializuar i mjekëve, infermierëve dhe të gjithë stafit mbështetës, me vetëmohim e sakrificë që prej fillimit të epidemisë!”, shkruan ministrja.
Manastirliu fton më tej qytetarët që të bëhen pjesë e betejës së përbashkët për të frenuar përhapjen e Covid-19, duke respektuar rregullat e distancimit, mbajtjes së maskës, dhe kujdesit për higjienën personale dhe kolektive./Bl.Ba/Fjala.al
