Kremtimet e 100 vjetorit Biblioteka Kombëtare filloj me një ekspozitë modeste në Muzeut Historik Kombëtar.
Në këtë përvjetor u dha edhe një premtim nga Ministrja e Kulturës Elvi Margariti.
Edhe Drejtori Pirro Misha 10 korrikun e shënon si ditën e rëndësishme të themelimit të një prej institucioneve më të rëndësishme të kombit.
“Këto ditë kemi marrë masa që problemin që kemi me impiantin elektrik në Bibliotekë. Mendojmë ta zgjidhim dhe brenda verës të fillojmë punimet e shumëpritura. Nuk do të jetë ajo zgjidhja definitive e vështirësive që ka ajo hapësirë. Kjo është një hap i mirë për t’i krijuar një tjetër ndihmë bibliotekës. Një tjetër hap i mirë për t’i krijuar një tjetër ndihme është restaurimi i disa sallave me fondin e vjetër të Bibliotekës”, u shpreh Margariti.
“Është dita kur u hodhën themelet e Bibliotekës Shqiptare, nuk është mirëfilli krijimi i Bibliotekës Kombëtare. Është me rëndësi të kujtojmë që është institucioni i parë qendror kulturor i shtetit të ri shqiptar”, tha Misha.
Simbolikisht jehona e hapjes së Bibliotekës Kombëtare pasqyrohet në ekspozitën retrospektivë nga shtypi i kohës.
Prezantimi faqeve të para të revistave e gazetave të rëndësishme prezantohen në Muzeun Historik Kombëtar, institucion i cili në fillesa ka qenë së bashku me Bibliotekën Kombëtare.
Bo.Ba/fjala.al
