COVID-19/Dy muaj ferri, po “bie” shëndetësia, gati dy spitalet e tjera

113 563 lexime

77,495FansaPëlqeje

Spitali Infektiv në Tiranë mbushet me 81 pacientë me koronavirus, bëhen gati dy spitalet e tjera “Covid 2 dhe 3”. Alarmi vjen nga mjekët dhe Ministria e Shëndetësisë, e cila pranon situatën e rëndë dhe kërkon zbatimin e rregullave. Përse qershori dhe korriku solli shifra të frikshme vdekjesh. Qeveria përjashton mundësinë e një “karantine 2”.

Nga Ornela Bereti

Dilemat janë të mëdha teksa shifrat e vdekjeve, të të shtruarve dhe të të prekurve rriten nga dita në ditë, por një rimbyllje e vendit apo karantinim i dytë, deri tani, nuk është menduar. Rekordet e e infektimit thyejnë njëra-tjetrën dhe vetë sistemi shëndetësor ngre alarmin për prag kolapsi, duke bërë gati dy ambiente të tjera spitalore. Gjithsesi, Shqipëria nuk do t’i nënshtrohet një izolimi të dytë, pavarësisht ritmeve të përhapjes së COVID-19. Për të përballuar rritjen e fluksit të infektimeve dhe të shtrimeve në spital do të hapet me kapacitet të plotë “Covid 2” dhe është gati për t’i hapur dyert “Covid 3”. Aktualisht në dy spitalet Covid janë të shtruar 81 pacientë, ku 11 prej tyre janë në terapi intensive dhe 5 në intubim, ndërsa rastet e tjera po monitorohen nga mjeku i familjes. Situata në Spitalin Infektiv është shumë serioze, ndërkohë që dje është shënuar një rekord i ri të infektuarish me COVID-19. Në komunikimin e përditshëm të Ministrisë së Shëndetësisë, është bërë me dije se gjatë 24 orëve të fundit janë testuar 420 qytetarë ku kanë rezultuar pozitive 90 raste të reja. Janë të shtruar 81 pacientë, ku 11 prej tyre janë në terapi intensive dhe 5 në intubim. Fatkeqësisht, kanë humbur betejën me sëmundjen 2 pacientë të moshës 63 dhe 81 vjeç, të cilët kishin edhe sëmundje bashkëshoqëruese. Ndërkohë janë shëruar 43 pacientë, duke e çuar numrin total të të shëruarve në 1875 dhe ka akoma 1318 raste aktive.

Harta e infeksionit  

Rastet e reja janë 90 përkatësisht: 36 raste në Tiranë, 15 raste në Durrës, 11 raste në Vlorë, 8 raste në Kukës dhe Krujë, 4 raste në Kurbin, 3 raste në Elbasan, 2 raste në Lushnjë, 1 rast në Lezhë, Kamëz dhe Dibër. Ministria e Shëndetësisë dhe Mbrojtjes Sociale apelon për qytetarët që të vazhdojnë të respektojnë distancimin fizik dhe të mbajnë higjienën personale, po ashtu bizneset e hapura të respektojnë me rigorozitet protokollet e sigurisë.

Lexo edhe :  ‘Shtim të rasteve te moshat e reja’, Mjekja: Astiri, Fresku dhe Kodra e Diellit vatra të virusit

Bilanci i COVID-19

Në total janë testuar në të gjithë vendin 27446 persona, vetëm dje kanë kryer tamponin 420, nga të cilët kanë rezultuar pozitivë 90 persona. Nga nisja e pandemisë deri dje kanë rezultuar pozitiv 3278, nga të cilët janë aktivë 1318 persona, ndërsa 1875 të shëruar. Ministrja e Shëndetësisë, Ogerta Manastirliu, deklaroi në seancën e fundit parlamentare se rritja e numrit të personave të infektuar me COVID-19 në Shqipëri, e shoqëruar me rritje të shtimit të personave të shtruar, rrezikon futjen në kolaps të sistemit shëndetësor. Situata e COVID-19 në Shqipëri është serioze dhe kërkon një ndërgjegjësim më të madh nga qytetarët, pasi sistemi i shëndetësisë mund të mos e përballojë fluksin e rasteve në rritje. Kështu u shpreh ditën e djeshme ministrja e Shëndetësisë, Ogerta Manastirliu, gjatë fjalës së saj në Kuvend. Sipas saj, sistemi shëndetësor në Shqipëri është shumë delikat për të përballuar atë që mund të vijë, dhe kjo jo për arsye të mospërgatitjes dhe mosimpenjimit real të qeverisë shqiptare, por për atë që mund të vijë nga neglizhenca dhe moszbatimi i protokolleve të sigurisë dhe masave të thjeshta.

Rastet totale sipas qyteteve

Të konfirmuar në të gjithë vendin 3278

Tiranë: 1359 raste +36

Durrës: 231 raste +15

Lushnjë: 47 raste +2

Elbasan: 64 raste +3

Fier: 86 raste

Rrogozhinë: 7 raste

Kavajë: 40 raste

Korçë: 54 raste

Vlorë: 135 raste +11

Shkodër: 357 raste

Lezhë: 50 raste +1

Berat: 41 raste

Has: 17 raste

Krujë: 373 raste +8

Tropojë: 9 raste

Pukë: 58 raste

Mirditë: 12 raste

Kukës: 70 raste +8

Mallakastër: 4 raste

Kurbin: 87 raste +4

Mat: 16 raste

Kamëz: 54 raste +1

Librazhd: 2 raste

Ura Vajgurore: 1 rast

Gjirokastër: 9 raste

Sarandë: 9 raste

Pogradec: 15 raste

Përmet: 12 raste

Delvinë: 15 raste

Tepelenë: 2 raste

Vau Dejës: 6 raste

Divjakë: 7 raste

Fushë-Arrëz: 7 raste

Selenicë: 1 rast

Belsh: 1 rast

Dibër: 6 raste +1

Kolonjë: 2 raste

Malësi e Madhe: 7 raste

Bulqizë: 5 raste

/Fjala.al/Ke.Ba

 

 

Të fundit

Regjistrohen 552 raste të reja me koronavirus brenda 24 orëve në Itali, rikthehet frika

Infeksionet e koronavirusit në Itali vazhdojnë të rriten: në 24 orët e fundit ka pasur 552 raste të reja,...

Foto që s’duhen humbur/ Burri komplet i zhveshur vihet në ndjekje të derrit “hajdut”

Një moment i pazakontë është regjistruar pranë një liqeni në Berlin. Një burrë është fotografuar komplet i zhveshur teksa ndiqte një derr të egër dhe...

‘I kanë marrë zvarrë mësuesit në mitingje,’ denoncimi i PD-s denoncimi i PD-së

Ish-deputeti i Partisë Demokratike, Luçiano Boçi deklaroi se institucionet arsimore drejtohen nga persona të komanduar politikisht. Me anë të një postimi në rrjetet sociale, Boçi...

Miranda Hoxha: Del Frroku e gjuan Meçon, mos u çudit kur të dalë të drejtojë ndonjë studio plot me bu”r”a

Lidhur me akuzat që gazetari Frrok Çupi hodhi ndaj gazetares dhe moderatores Sonila Meço ka ardhur një reagim dhe nga Miranda Hoxha. Në një postim...

Projektligj për mbrojtjen e vlerave të UÇK-së, ja çfarë po diskutohet në Kuvendin e Kosovës

Kuvendi i Kosovës ka nisur të premten shqyrtimin e Projektligjit për Mbrojtjen e Vlerave të Ushtrisë Çlirimtare të Kosovës (UÇK), pas propozimit që i...

Lajme të tjera

Web TV