Në Kosovë rritet ndjeshëm numri i të infektuarve, Thaçi: Respektoni masat

113 563 lexime

77,487FansaPëlqeje

Presidenti i Kosovës, Hashim Thaçi, tha të shtunën se gjendja me koronavirusin në Kosovë është tejet shqetësuese dhe bëri thirrje që të respektohen masat në mënyrë më rigoroze.

“Ju bëj thirrje që t’i zbatoni në mënyrë rigoroze masat për parandalimin e përhapjes së virusit COVID-19 dhe t’i respektoni rekomandimet e institucioneve shëndetësore. Duke i zbatuar masat dhe rekomandimet e institucioneve shëndetësore secili qytetar ruan veten, të afërmit e tij dhe gjithë shoqërinë”.

Thaçi po ashtu ka shprehur mirënjohje për stafin shëndetësorë dhe u ka shprehur ngushëllime familjarëve të viktimave nga koronavirusi i ri.

Shërbimi Spitalor dhe Klinik Universitar i Kosovës, ka njoftuar të shtunën se në spitalet publike në Kosovë janë të shtrirë 301 pacientë të konfirmuar me COVID-19 pozitiv.

Nga numri i përgjithshëm i pacientëve, 184 janë në oksigjenoterapi, 132 në QKUK dhe 52 në spitalet e përgjithshme.

Nga 301 pacientë, 22 janë në gjendje të rënduar me përkujdesje intensive.

Në Kosovë, që nga paraqitja e rasteve të para me koronavirus më 13 mars, numri i përgjithshëm i të infektuarve ka arritur në 4.512, dhe 97 pacient kanë vdekur.

Ndërsa, numri i rasteve aktive është 2.259.

Ndërkaq, kryeministri i Kosovës, Avdullah Hoti, ka paralajmëruar se me trendin e rritjes së vazhdueshme të rasteve të reja, po konsiderohet shpallja e gjendjes së jashtëzakonshme.

la.mi/Fjala.al

Të fundit

A fillon shkolla në shtator? Eksperti i MASH: Jemi gati për çdo situatë

Covid-19 pandemia e vitit po vazhdon të marrë ende jetë njerëzish. Madje pandemia po ndryshon mënyrën tonë të jetesës në çdo aspekt. Shumë të interesuar...

“Miku i paftuar”, ariu i zi bashkohet me një familje për piknik

Një familje e cila po pushonte në pyllin e largët të Marylandës, kanë gjetur një Yogi Bear të vërtet. Ariu i zi ka qenë...

Luiza Gega rekord të ri në garën 10 mijë metra

Ndonëse pa aktivitete ndërkombëtare, atletja Luiza Gega nuk ndalet. Ajo ka vendosur rekord të ri kombëtar në garën e 10 mijë metrave, duke dhënë...

Skandal/Vaksina ruse ka efekte anësore, u testua vetëm në 38 persona

Vaksinës ruse i dalin “të palarat”. Dje presidenti Putin tha se Rusia ka krijuar vaksinën kundër koronavirusit shkaktoi një pështjellim të madh te njerëzit...

Lajme të tjera

Web TV