Shuhet ylli i Ajaksit/Vim Su’urbier, njeriu që i shënoi dy herë Tiranës

113 563 lexime

124,178FansaPëlqeje

Vim Su’urbier, anëtari i skuadrës së madhe të Ajaksit në vitet ’70-të, u nda nga jeta tëç dielën, në moshën 75-vjeçare, bëri të ditur klubi i njohur holandez, I lindur më 1945-ën në Eind’hoven, Su’urbieri luajti me fanellën e Ajaksit nga 1964-ra deri më 1977-ën, duke vijuar me një xhiro nëpër klubet e Shalke 04-ës në Gjermani dhe Metzit në Francë, dhe duke vijuar ta shoqërojë Johan Krujfin në aventurën e atij amerikane tek Los Angeles Azteks në 1979-ën.

Su’urbieri spikati për lehtësinë me të cilën ai kalonte në sulm në krahun e majtë, mbi bazën e mësimeve që kishte marrë nga takticieni i madh holandez, Rinus Mishels. Su’urbieri e fitoi 3 herë trofeun e Kupës së Kampioneve (tanimë Ligës së Kampioneve) dhe u shpall edhe 7 “kampion” i Holandës me Ajaksin. Ai fitoi gjithashtu edhe 4 herë trofeun e Kupës së Holandës, dy herë atë të Superkupës së Evropës dhe një herë atë and të Kupës Ndërkontinentale.

Ai ishte shtruar në spital që nga prilli i këtij viti, pasi pësoi një hemorragji cerebrale, dhe gjendja e tij u përkeqësua më 11 maj. “Një nga lojtarët e Ajaksit të madh na ka lënë, – deklaroi klubi i njohur në një njoftim mbi ndarje nga jeta të lojtarit që e veshi në më tepër se 500 ndeshje fanellën bardhëkuqe. – Ai ishte mbrojtësi i parë moden i futbollit holandez dhe kujtimi i tij do të mbetet me familjen dhe miqtë.” Su’urbieri ka veshur gjithashtu edhe fanellën e përfaqësueses së Holandës në ato vite.

Një mbrojtës i djathtë klasik, ai u shndërrua në të parin lojtar të mirëfilltë krahu në atë që njihet si epoka e “futbollit total”. Futja në përdorim e lojës nga krahët drejt sulmit e ndryshoi krejtësisht futbollin e asaj kohe dhe tanimë ky koncept shfrytëzohet me shumë dobi në futbollin modern. “Rinus Mishelsi ishte ai që më mësoi sesi të zgjidhja çastin e duhet që të hidhesha në sulm dhe më shndërroi në një lojtar të pastër krahu”, ka shpjeguar dikur vetë Su’urbieri.

Lexo edhe :  Jet Ski, gomone e skafe, bllokohen 41 mjete lundruese në jug të vendit

Në një përkim të plotë me stilin e çuditshëm të jetesës së atij brezi të artë të futbollit holandez, ai spikaste si për lojën e tij të qëndrueshme, ashtu edhe për dëshirën e tij për të bërë jetë nate. Një nga ish-shokët e tij të skuadrës në përfaqësuesen e Holandës, Vili van de Kerkhof, kujtonte se “Vimi mund të festonte deri në ora 3 apo 4 pas mesnate dhe nuk dështonte kurrë në një ndeshje në orën 15:30 pasdite”. Interesant është fakti, se Vim Su’urbier ka edhe një lidhje me Shqipërinë.

Ai ishte pjesë e Ajaksit të 16 shtatorit 1970, që u ndal, pas një vazhde rekord prej 9 ndeshjesh të fituara në Evropë, në një barazim 2-2 nga kampionia e Shqipërisë (17 Nëntori), në takimin e parë të turit të parë të Kupës së Kampioneve, duke shënuar të dy golat e gjigandes holandeze. Ai realizoi për Ajaksin në minutën e 19-të dhe vijoi të dyfishte epërsinë e skuadrës së tij në të 58-tën, por bardheblutë u kundërpërgjigjën menjëherë më pas me Kazanxhiun.

Tirana barazoi shifrat një minutë para fundit me Çeçon, por Ajaksi e fitoi ndeshjen e kthimit 2-0 në fushën e vet, dy javë më pas, duke vijuar për më tej.

Bo.Ba/fjala.al

 

Të fundit

“U vdiq presidenti se nuk rregullojnë dot helikopterët”/ Hendeku mes Izraelit dhe Iranit

“Izraeli nuk ka mundur do të shkatërrojë impiantet bërthamore të Iranit, por sulmet e kësaj fundjave duket se janë...

Netanyahu thirrje Amerikës për mbështetje: Izraeli po mbron lirinë në Lindjen e Mesme

Kryeministri izraelit, Benjamin Netanyahu, ka publikuar një tjetër video, këtë herë duke folur në anglisht dhe dukshëm duke iu drejtuar publikut amerikan. Ai e...

SHBA uron Kosovën: Jeni vendi i parë në Europë që pranoni shtetas të huaj nga Amerika

Ambasada e Shteteve të Bashkuara në Prishtinë ka vlerësuar lart bashkëpunimin e Kosovës në çështjet e migracionit, duke e cilësuar si vendin e parë...

VIDEO/ Sirena kudo në qytet, shikoni sesi Izraeli sulmon me raketa Iranin

Izraeli vijon që të sulmojë Iranin, teksa autoritetet iraniane kanë raportuar se disa raketa janë kapur. Nga video që po transmetohet në mediat ndërkombëtare, raketat...

Financat publike, pagat e magjistratëve dhe qytete që vdesin

Bajram Peçi Në mënyrën se si krerë të GJK dhe KLGJ, kanë dalë në deklarime ndaj shefit të qeverisë, që u kërkoi si kryeministër të mos...

Lajme të tjera

Web TV