Përfitimi i lirisë me kusht teksa kanë një dënim me burgim të përjetshëm është një e drejtë ligjore, që i takon dhe është vendosur nga ligjvënësi, por për të dënuar specifikë që kanë kryer pjesën maksimale të dënimit dhe janë treguar shembullorë në institucion.
Avokati Baftjar Rusi i cili sqaron edhe bazën ligjore që po shfrytëzohet nga të dënuarit, u shpreh në Oratv.
“Kodi Penal e parashikon një gjë të tillë, mos gabohem është neni 64 i Kodit Penal. Për të dënuarit me burgim të përjetshëm, në raste tepër të veçanta kur ai gjatë gjithë pjesës që ka vuajtur dënimin nuk duhet të ketë bërë asnjë shkelje,”
Avokati pranon se në shumë raste kjo dispozitë po keqpërdoret nga gjyqtarë të caktuar të cilët përdorin standard të dyfishte për të dënuarit e tjerë që u kanë mbetur pak vite burg
“Do thoja që është shumë e papranueshme që një gjyqtar që merr guximin që liron të dënuarit me burgim të përjetshëm dhe nuk i jep atyre që kanë një dënim më të ulët.Shqipëria nuk është e vetmja që e ka këtë praktikë. Ajo aplikohet edhe ne vende te tjera. Nëse një i dënuar me burgim të përjetshëm ka kryer 25 vite që ka qenë dënimi maksimal në kohën kur ka kryer veprën ose 35 vite pas ndryshimeve të bëra së fundi dhe ka treguar sjellje të mire gjatë kohës së qëndrimit në institucion atëherë atij i lind e drejta të kërkojë liri me kusht kërkesë që miratohet apo rrëzohet nga gjykata. Ndërsa për të dënuarit të cilët kanë dënime te tjera e drejta për përfitim te lirisë me kusht i lind pasi kanë kryer 3 te 4 e dënimit,”
Bo.Ba/fjala.al
