Ish-deputetja e PD-së, Jorida Tabaku deklaron se marrëveshja e firmosur më 5 qershor për kodin e ri zgjedhor nuk është e plotë, por është për të t’u dhënë zgjidhje disa çështjeve kryesore.
Lidhur me ndryshimet kushtetuese që po kërkohen të bëhen nga ana e mazhorancës dhe opozitës parlamentare, Tabaku tha se duhet të bëhen me konsensusin e të gjitha palëve, ndryshimet e njëanshme janë të papranueshme.
“Marrëveshja e 5 qershorit ishte një dakordësi në të mirë të administrimit të sistemet zgjedhore. Ne nuk na heq dot njeri nga sistemi. Është e vërtetë që ishte një mënyrë për t’i ulur palët në tavolinë për të diskutuar.
Ajo që u arrit në 5 qershor nuk është një reformë e plotë që i jep zgjidhje çështjeve kryesore, por më mirë se sa të bëhej më shumë, u gjykua se prekja e disa e elementëve do të ishte e rëndësishme për kriteret e integrimit.
Ndryshimet duhet të jenë me konsensusin e të gjithave palëve, por ndryshimet e njëanshme të kushtetutës që duan të bëjnë është e papranueshme, pasi shkelet çdo balancë.” tha Tabaku në “Tempora”. /En.Br./Fjala.al
