Mësohet emri i 43-vjeçarit shqiptar i cili u arrestua ditën e djeshme nga policia greke pas përfshirjes në trafikimin e një sasie të konsiderueshme heroine.
Agim Margegaj, ishte shpallur në kërkim pasi nuk u kthye më në burg pas lejes disa ditore që kishte marrë për të qëndruar jashtë.
Sipas mediave greke 43 vjeçari rezulton të jetë i dënuar me burgim të përjetshëm në Greqi për vrasje me dashje, tentativë për vrasje më shumë se njëherë, grabitje në bashkëpunim dhe armëmbajtje pa leje.
Ndërkohë që në 2018, Agim Margegaj ka qënë në listën e policisë shqiptare si një nga personat më të kërkuar, i dënuar në Lezhë me 35 vite burg për vrasje.
Ditën e djeshmë është kapur nga policia greke pas një operacioni policor në Artemis, për posedimin dhe trafikim të 10 paketave me heroinë.
Nga kontrolli policia gjeti dhe sekuestroi 5 kg e 50 gram heroinë, 1 peshore elektronike precize, një shumë prej 1,050 euro, pasaportë dhe letërnjoftim të origjinalitetit të dyshimtë, 2 telefona celularë, një revistë dhe një pajisje plastike dërrmuese.
I arrestuari është sjellë para Prokurorisë Publike të Athinës. /Ra.My. Fjala.al
