Ndërkohë që situata e COVID-19 në vendin tonë vazhdon të jetë shqetësuese, pyetjet që mund të shtrojë çdokush në këto momente është se a kemi numrin e duhur të testeve dhe mjekëve për ta përballuar.
Drejtoresha e Institutit të Shëndetit Publik Albana Fiço deklaron se për të gjitha rastet që duhen testuar, janë të gjitha mjetet e duhura si kitet në ISHP apo dhe epidemiologët në terren.
Fiço tha dhe se në terren ndodhen grupet e epidemiologëve të cilët të ndihmuar nga mjekët e famlijes po kryejnë hetimin epidemiologjik të rasteve.
”Kjo nuk është eksperienca e parë e një pandemie në Shqipëri. Unë mendoj se kemi arsye të themi që në terren kemi grupe të epidemiologëve, ndihmës epidemiologëve dhe shëndetit publik, gjithmonë të mbështetur nga mjekët e familjes për të kryer hetimin epidemiologjik. ISHP ka që në krye të epidemisë që vazhdon 24 orë në ditë, në 7 ditë të javës, të testojë të gjitha mostrat e sjella në laboratorin e virologjisë. Deri më tani, kemi rreth 90 mijë teste, kanë ardhur pajisje të reja. Ajo çka besoj që mbetet për të bërë, është që të punojmë dhe informacinin ta transmetojmë në mënyrën më të shpejtë. Për të gjitha ato rastet të cilat duhen testuar, padiskutim i kemi të gjitha mjetet, kitet në Instituin e Shëndetit Publik dhe epidemiologët në terren.” tha Albana Fico në “Ora News”./En.Br./Fjala.al
