Ish-deputetja e PD Oriola Pampuri ka deklaruar në emisionin HARD TALK NGA ROLAND QAFOKU, për grupin mediatik FJALA, se nuk është penduar që është futur në politikë përpara tre vitesh. Pampuri shprehet se ka gjetur vendin e duhur për të shpalosur idetë dhe për të bërë diçka të mirë për shoqërinë ku ajo bën pjesë.
-Zonjë ju keni 3 vjet në politikë. Si mendoni, keni bërë mirë që jeni future në politikë?
-Ka qenë një rrugëtim i vështirë. Nuk është e thjeshtë për zonjat politika. Këtë nuk e them unë por e thonë zonja që kanë qenë pjesë aktive e politikës. Kam pasur një karrierë profesionale shumë të mirë para se unë të përfshihesha në politikë, por në momentin që kam hedhur hapin e rëndësishëm për t’u bërë pjesë e politikës, doja të përcillja edhe unë modelin tim. Ne kemi nevojë që në politikë të përcillen modele pozitive, që politika të ketë modele pozitive, dhe të sjellësh dhe të përcjellësh diçka pozitive. Me profesionalizmin tënd të bësh dhe të ndërtosh politika të mira. Kam qenë pjesë aktive e denoncimeve. Një person i cili ka punuar më parë, ka pasur një karrierë të mirë profesionale, i di mirë se ku çalojnë shumë gjëra. Fakti që shpesh-herë mund të ngresh zërin, ndonjëherë mund të dalësh dhe nga vetja. Një person i cili diçka e bën me zemër, e shikon vërtet ashtu siç duhet, shikon që duhet të jetë ndryshe. Deri sot them që nuk kam bërë keq që jam future në politikë. Modele të tilla janë gjithmonë tëmirëpritura në politikë. Çdo zonjë që ka forcën e argumentit, forcën e fjalës, ka një profesion të mirë, mund të përcjellë gjithmonë diçka të mirë në politikë, pse jo./Fjala.al/Ke.Ba
https://www.youtube.com/watch?v=CZN1De-1ut4
Na ndiqni LIVE në emisionin HARD TALK NGA ROLAND QAFOKU
https://www.facebook.com/portalifjala/videos/598634981041786/
