Sot në orët e para të mëngjesit është djegur makina e Komisionit Zgjedhor në Gostivar. Lajmi bëhet i ditur nga mediat vendase të cilat shkruajnë se në makinë ndodheshin material zgjedhore nga votimi në Komunën e Gostivarit.
Gostivari është Komuna ku BDI pësoi humbje të thella, ndërkohë që në rrjetet sociale shkruhen komente dyshuese lidhur me shkaqet e djegies së makinës.
Fatmirësisht nga incidenti nuk ka persona të lënduar.
“Sot në ora 4 e 30 minuta të mëngjesit, në SPB Tetovë është raportuar se është djegur veturë ‘Ford Tranzit’ me targa të Gostivarit, që e ka drejtuar 35 vjeçari F.A. në afërsi të pikëpagesës në Tetovë”, njoftoi zëdhënësi i SPB Tetovë, Marjan Josifovski./Re.Gu/Fjala.al
