Ka përfunduar edhe këtë të enjte intervistimit të Presidentit të Kosovës, Hashim Thaçi në Hagë.
Thaçi ka qëndruar sërish për 7 orë në prokurori, ku ka hyr atje që prej orës 14:00 dhe ka dalë pas orës 20:00, por sërish i heshtur.
Ende nuk ka asnjë informacion në lidhje me detajet apo zhvillimet që kanë ndodhur në këtë intervistim të gjatë.
Thaçi ka zgjedhur të qëndrojë i heshtur për tre ditë, duke mos komentuar për asgjë çka është biseduar brenda godinës së Speciales, përveç ditës së parë të marrjes në pyetje, ku foli për mediat edhe para hyrjes edhe në daljen pas gjashtë orësh.
Unë sot kam dëgjuar shkëmbimet e teknaliteteve të ndryshme mes avokatit, Z. Prosper dhe prokurorëve për çështje sqaruese e në të njëjtën kohë edhe ato fillestare të interesimit të prokurorëve për UÇK-në, kështu që do të vazhdojë nesër.”– u shpreh të hënën Thaçi.
Pavarësisht se aktakuza ishte vendosur që në prill, më 24 qershor, pak para se Thaçi të mbërrinte në Uashington për takimin e 27 qershorti me përfaqësuesit e Serbisë në Shtëpinë e Bardhë në media u shpërnda lajmi për akuzat ndaj tij. Thaçi, nuk ka pranuar të heqë dorë nga posti i tij dhe ka shkuar në Hagë si presidenti i vendit. Ai ka deklaruar se do të japë dorëheqje nga posti i presidentit, nëse aktakuza kundër tij konfirmohet.
Bo.Ba/fjala.al
