Ylli i Houston Texans, Kenny Stills , është arrestuar në Louisville, pasi ka protestuar për vdekjen e Breonna Taylor, një afrikano-amerikane 26 vjeçe, e cila u vra fatalisht në 13 mars në banesën e saj nga të shtënat e policisë.
Së bashku me Still u arrestuan edhe disa protestues të tjerë. Ky lajm është bërë publik nga vetë lojtari i National Football League përmes një postimi në Twitter.
“Unë jam arrestuar pasi protestova paqësisht, ndërsa vrasësit e Breonna Taylor vazhdojnë në rrugë”-shkroi Stills.
Lojtari tashmë po përballet me akuza për trazira dhe kanosje të një personi të përfshirë në procedurat ligjore, duke e bërë atë një vepër penale në Shtetet e Bashkuara.
Asnjë nga tre oficerët e policisë të përfshirë në vdekjen e Breonna Taylor nuk u arrestuan dhe vetëm njëri prej tyre u pushua nga puna.
Ky fakt ngjalli zemërimin e shumë personave që u ngritën në protesta të vazhdueshme për të kërkuar drejtësi për këtë Breonna-n.ka.ta/Fjala.al/
