Lidhur me emigracionin dhe ikjet e shqiptarëve, deputeti i PS Adnor Shameti, shpjegoi këtë dukuri duke e lidhur me Irlandën. Në emisionin HARD TALK NGA ROLAND QAFOKU, tha se në Irlandë tashmë që Anglia ka dalë nga BE, ka më tepër investime.
Kemi qenë me ministrin e Diasporës në Irlandë në një sërë takimesh para dy vitesh. Për herë të parë në 170 vitet e fundit në Irlandë ishte kahja pozitive, që domethënë kishte më shumë të hyrë sesa të dalë. Kjo varej nga dalja e Anglisë nga BE-ja, sepse Irlanda tani është i vetmi vend anglisht folës në BE. Dhe shumë biznese që ishin në Mbretërinë e Bashkuar kanë kaluar në Irlandë. Irlanda ka rreth 4 milion banorë, ndërkohë që e ka diasporën 80 milion banorë. Ajo që duhet të na shqetësojë është që nga brain drain në brain gain. Edhe ky është proces sepse me teknologjitë e reja brain gain mund të bëhet edhe duke qenë në vende të ndryshme. Me atë që kemi parë ne në Irlandë, ishte një gjë e jashtëzakonshme domethënë mënyra interaktive e komunikimit dhe përfshirjes së diasporës irlandeze në republikën e Irlandës./Fjala.al/Ke.Ba
https://www.youtube.com/watch?v=Jwtq7zxvhgg
Ndiqni LIVE emisionin HARD TALK NGA ROLAND QAFOKU, në FJALA TV
https://www.facebook.com/110078253909771/videos/286144082470970/
