Ditën e sotme në ambientet e Ministrisë së S hëndetësisë dhë Mbrojtjes Sociale janë dhuruar 5 mijë teste për COVID-19 nga 3 biznesmen të diasporës.
Ky dhurim është bërë i mundur nga Lazim Destani i kompanisë “Ecolog International”, njëherësh dhe President Nderi i kësaj Dhome, Nazmi Viqa i kompanisë “Abbruch AËR” dhe Remzi Ejupi i “Eurokoha”.
“Së bashku të mbështesim Shqipërinë në luftën kundër COVID-19” , kjo ka qënë motoja e dhurimit të këtyre testeve në bashkëpunim me Dhomën e Biznesit të Diasporës Shqiptare.
Në ceremoninë e dorëzimit merrnin pjesë Ministrja e Shëndetësisë, Znj.Ogerta Manastirliu, Zv.Ministrja Mira Rakacolli, Ministri i Shtetit për Diapsorën, Z.Pandeli Majko, si dhe Z.Skënder Xhakaliu nga Ecolog Gjermani, i cili përfaqësonte dy prej donatorëve dhe konkretisht Z.Lazim Detani dhe Z.Nazmi Viqa. Ndërsa donatori i tretë pjesëmarrës ishte Remzi Ejupi nga Eurokoha.
Sasia prej 5 mijë testesh COVID-19 do t;i shërbejë Institutit të Shëndetit Publik për zgjerimin e kapaciteteve testuese të popullatës.
Ministrja Manastirliu në fjalën e saj, falenderoi donatorët për këtë dhuratë të çmuar, e cila sipas saj, do të rrisë stokun e materialeve për testimet. /Ra.My.Fjala.al/
