Një ngjarje e rëndë është parandaluar në qytetin e Korçës mbrëmjen e sotme.
Mësohet se disa persona kishin hyrë në kishën katolike “Ringjallja” për të grabitur, por kanë dëmtuar impiantin e saj të gazit që ka një kapacitet prej 500 litrash. Në rast shpërthimi dëmet do të ishin të pallogaritshme pasi rreth kishës ndodhet njëri nga fakultetet e Universitetit të Korçës, gjykata, një pallat si dhe shtëpi dhe biznese të tjera.
Pas lajmërimit, policia ka bërë rrethimin në distance te vendit për të shmangur çdo ngjarje te mundshme dhe është bërë e mundur evitimi i një shpërthimi gazi.
Blutë e Korçës janë duke vijuar punën për te zbardhur ngjarjen si dhe identifikimin dhe kapjen e autorëve.
/En.Br./Fjala.al
