Federata Shqiptare e Volejbollit ka njoftuar ndarjen nga jeta, në moshën 82-vjeçare, të trajnerit të njohur fierak, Todi Gjini. Ai për vite me radhë kontribuoi si sportist dhe trajner me KS Apolonia, ku me pasionin dhe punën e palodhur, drejtoi ekipin e djemve dhe vajzave dhe ishte shtylla kryesore e zhvillimit të sportit të volejbollit në qytetin e Fierit.
Sot është një ditë e trishtë për sportin fierak, që ka humbur një nga njerëzit më të apasionuar dhe të palodhur që ia kushtoi gjithë jetën sportit të volejbollit.
Federata Shqiptare e Volejbollit i ka shprehur, në emër të të gjithë komunitetit të këtij sporti në vendin tonë, ngushellimet e sinqerta familjes së Todi Gjinit. Po kështu, kanë qenë të shumta komentet dhe ngushëllimet për trajnerin e njohur në rrjetet sociale nga ish-sportistë, trajnerë, drejtues të sportit dhe sportdashës. Todi Gjini u nda nga jeta të mërkurën në mëngjes pas një sëmundjeje të pashërueshme.ka.ta/Fjala.al/
