Për herë të parë pas 86 vjetësh, në godinën e kultit “Shën Sofi” në Stamboll është falur namazi i xhumasë.
Më 10 korrik, gjykata e lartë administrative e Turqisë anuloi vendimin e vitit 1934 të qeverisë së atëhershme turke për ta kthyer objektin në muze, ndërsa më pas, përmes një vendimi presidencial, ajo u rikthye në xhami dhe iu dorëzua Kryesisë së Çështjeve Fetare.
Kryetari i Çështjeve Fetare të Turqisë (Dijanet), Ali Erbaş, i cili lexoi hutben e xhumasë me rastin e hapjes së “Shën Sofisë” për faljen e namazit, tha se kjo xhami është vendi i respektit ndaj besimeve dhe përvojës së bashkëjetesës.
Në hapjen e madhe këtë të premte, ishte i pranishëm edhe kreu i shtetit, Rexhep Taip Ertdogan, ndërsa në faljen e namazit morën pjesë mijëra besimtarë.
Shën Sofia, objekt i Trashëgimisë Botërore të UNESCO-s, e cila ka qenë në zemër si të Bizantit të krishterë ashtu edhe të perandorisë Osmane myslimane, është një nga monumentet më të vizituara të Turqisë.
Vendimi për ta kthyer “Shën Sofinë” përsëri në një xhami është shoqëruar me kritika të ashpra nga klerikët katolikë të cilët e konsiderojnë një akt përçarës dhe të padrejtë.
/En.Br./Fjala.al
